Türkiyə mətbuatı "Sabah" qəzetinin yaydığı xəbərin Azərbaycanda böyük reaksiya doğurduğunu bildirib.

Axar.az-ın məlumatına görə, "Cihan" xəbər agentliyi sözügedən qəzetdə yer alan erməni işğalı altında olan Dağlıq Qarabağ bölgəsinin ayrıca dövlət kimi göstərilməsinə böyük təpki verildiyini qeyd edib.

Ayrıca olaraq Bugün.com, Akithaber.com, Yurtgundemi.com, Haber3.com və digər saytlar da bu hadisəni işıqlandırıb.

Xatırladaq ki, "Sabah" qəzetinin internet saytında "3 Başkəndi, 11 rəsmi dili və 5 dildə ulusal marşı var!" başlığı altında dərc olunmuş məqalədə "Dünyadakı ölkələrin siyahısı" adlı bölmədə 37-ci sırada Azərbaycanın tarixi torpağı olan Dağlıq Qarabağ Muxtar Vilayəti müstəqil dövlət kimi göstərilib.

Qeyd edək ki, "Sabah" qəzeti bu gün artıq təkzib və üzrxahlıq dərc edib.