Ana səhifə Toplum |
Xaçmazın Nərəcan kəndi ərazisində yerləşən qədim qəbiristanlıq yox olma təhlükəsi ilə üz-üzədir.
Axar.az Regional TV-yə istinadən xəbər verir ki, təxminən eramızın III əsrinə aid olduğu bilinən bu qəbiristanlıq 1952-ci ildən unudulub.
Kənd sakinləri 7 kəndin ətrafında yerləşən qədim qəbir daşlarının mövcud olduğu bu qəbiristanlığın qorunmasına ehtiyac olduğunu bildirir. Nərəcan kənd orta məktəbinin tarix müəllimi Tacəddin Nəzərovun sözlərinə görə, bu qəbir daşlarının üzərindəki 6 bucaqlı günəş, məbəd və 4 bucaq kimi işarələrin olması qəbirlərin qədim alban tayfalarına aid olduğunu ehtimal etməyə əsas verir:
"Qəbirlər sıx meşə ərazisində yerləşdiyi üçün ağac çürüntüləri və kökləri qədim tarixi nümunələri zədəlməklə yanaşı, onları aşınmaya məruz qoyub. Bu da qəbir daşlarının tədqiqatı zamanı çətinlik yarada bilər.
Qəbiristanlıqda qədim qəbirlərlə yanaşı VIII əsrdən sonralara aid olduğu ehtimal edilən müsəlman qəbirləri də var. Ərəb əlifbası ilə yazılan qəbir daşları artıq əyilib və məzarlıq öz tarixi simasını tamamilə itirməkdədir".
Tarix
2014.12.16 / 23:52
|
Müəllif
Şəmsəddin Ənsar
|