Daha bir mədəniyyət portalı fəaliyyətə başlayıb.

Bu barədə Axar.az-a yeni saytın təsisçi, jurnalistika ilə bərabər, aktyor kimi də çalışan Elmin Bədəlov məlumat verib. Onun sözlərinə görə, "Fraqment.az" mədəniyyət portalı öz fərqliliyi ilə seçiləcək:

"Mədəniyyət xəbərləri ilə yanaşı, ölkədə baş verən sosial və digər xəbərlər, gənc yazarların yazıları da saytımızda yer alacaq".

Saytda teatrların afişaları, dünya mədəniyyətindən tərcümələr, müsahibələr, foto-reportaj layihələr də nəzərdə tutulur. Eyni zamanda, "Fraqment.az"ın təqdimatında qısametrajlı çarx və filmlər də çəkiləcək.

Mədəniyyət portalı ölkənin yeganə müstəqil teatrı olan Oda Teatrının informasiya dəstəkçisi olacaq