İctimai Televiziyanın "Carçı film" yaradıcılıq birliyinin keçmiş direktoru Qərənfil Xəlilova "Aktual.az" saytının baş redaktoru təyin edilib.

Axar.az xəbər verir ki, Qərənfil Xəlilova İctimai TV-nin "Carçı film" yaradıcılıq birliyinin direktoru vəzifəsindən istefa verdikdən sonra sözügedən saytda redaktor vəzifəsini daşıyırdı.

Xatırladaq ki, bu gün tanınmış jurnalist Anar Yusifoğlu İctimai TV-nin İnformasiya və ictimai-siyasi proqramlar departamentinin direktor müavini vəzifəsinə təyinat aldığı üçün "Aktual.az" saytının baş redaktoru vəzifəsindən istefa verib. Onun istefasından sonra kollektivin dəstəyi ilə təsisçi "Aktual.az"ın redaktorunu baş redaktor kimi təsdiqləyib.