Niderland Krallığının üçdə birini əhatə edən Lumburq əyalətində nəşr edilən "Dagblad de Limburger" qəzetində Azərbaycanla bağlı məqalə dərc edilib.

Axar.az xəbər verir ki, məqalədə respublikamızın zəngin təbii sərvətlərindən, ölkədə sürətlə həyata keçirilən sosial-iqtisadi islahatlardan, inkişaf perspektivlərindən, inkişaf etməkdə olan qarşılıqlı dostluq münasibətlərindən söhbət açılır. Məqalədə bu əlaqələrin möhkəmləndirilməsi üçün həyata keçiriləcək konkret addımlardan da danışılır. Bu işdə həmçinin Azərbaycanın yaxın dostu, parlamentin birinci palatasının üzvü Rene Van Der Lindenin şəxsi təşəbbüsü qeyd edilir.

Vurğulayaq ki, Lumburq bölgəsinin Çin Xalq Respublikasından sonra ciddi maraq göstərdiyi ikinci ölkə Azərbaycandır. Bu marağın yaranmasına səbəb isə Vahid, Bölünməz və Demokratik Azərbaycan Uğrunda Birlik cəmiyyətidir. Bu ölkədə fəaliyyət göstərən cəmiyyət keçirdiyi layihələrlə sözügedən bölgə ilə Azərbaycan arasında dostluq əlaqələrinin genişlənməsi sahəsində bir sıra nailiyyətlər əldə edib.