Azərbaycan 1991-ci ildə dövlət müstəqilliyini qazanandan sonra çətinliklərə baxmayaraq, dövlət xadimi Heydər Əliyevin liderliyi ilə xaos və qarşıdurmadan xilas olaraq yeni inkişaf mərhələsinə daxil oldu.

Axar.az xəbər verir ki, bu fikirləri Milli Məclisiin payız sessiyasının qanunvericilik işləri planına təkliflərini dilə gətirən BAXCP sədri, deputat Qüdrət Həsənquliyev deyib.

Onun sözlərinə görə, ölkə böyük inkişaf yolu keçməsinə baxmayaraq, böyük problemlər hələ qalmaqdadır.

Mövcud Konstitusiyanı “Keçid dövrünün Konstitusiyası” kimi təqdim edən Q.Həsənquliyev yeni Konstitusiyanın qəbul edilməsini təklif edib:

“Əlbəttə, bunun üçün hakim partiyanın mövqeyi və razılıq vacibdir. Siyasi islahatların, çoxpartiyalı sistemin inkişafı üçün yeni Konstitusiyaya ehtiyac var. Proporsional seçki sisteminin bərpası və s. hesab edirəm ki, bu haqda ciddi düşünmək lazımdır”.