Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 Dekabr 2019


Paşayeva Kokandda: şəhər rəhbəri ilə maraqlı müzakirə

Ana səhifə Toplum
12 Punto 14 Punto 16 Punto 18 Punto

Millət vəkili Qənirə Paşayevanın rəhbərliyi ilə Azərbaycan nümayəndə heyəti Özbəkistanın Kokand şəhərinə səfər çərçivəsində şəhərin rəhbəri - hakim Marufjan Usmanov ilə görüşüb.

Axar.az xəbər verir ki, görüşdə ölkələrimiz arasında bütün sahələrdə əlaqələrin inkişaf etdiyini bildirən hakim Özbəkistanla Azərbaycanın regionları arasında da əməkdaşlığın daha da inkişaf etdirilməsinin prioritet məsələlərdən olduğunu bildirib.

Millət vəkili Qənirə Paşayeva Azərbaycan-Özbəkistan dostluğu, ölkəmizin iqtisadi inkişafı haqqında danışıb, Azərbaycan və Özbəkistan şəhərləri arasında “Qardaşlaşmış şəhərlər” layihəsinin həyata keçirilməsini, Kokandla Azərbaycanın şəhərlərindən birinin qardaşlaşmasını təklif edib.

Millət vəkili Ermənistan-Azərbaycan, Dağlıq Qarabağ münaqişəsi barədə də məlumat verib, bu məsələdə Özbəkistanın Azərbaycanın yanında olduğunu diqqətə çatdırıb, bu mövqeyə görə Özbəkistanın rəhbərliyinə minnətdarlıq edib.

“Azərbaycan da hər zaman qardaş Özbəkistanın yanındadır” deyən millət vəkili iki qardaş ölkə arasında münasibətlərin daha da inkişafında siyasətçilərlə yanaşı, ictimai xadimlərin, ziyalıların, yazar və şairlərin, elm xadimlərinin, mətbuat və medianın, qadın və gənclər təşkilatlarının, iş adamlarının da üzərinə böyük işlər düşdüyünü vurğulayıb

Qardaşlaşmış məktəblər layihəsi, ortaq mədəni-ədəbi tədbirlər, mətbuat və media təmsilçilərinin qarşılıqlı səfərləri və s. istiqamətləri nəzərdə tutan təkliflər Kokand rəhbəri, hakimi tərəfindən müsbət qarşılanıb. Millət vəkili Qənirə Paşayevanın Özbəkistanın qədim şəhəri Kokandın Azərbaycan bölgələrinin biri ilə qardaşlaşması təklifini böyük məmnuniyyətlə dəstəklədiyini deyən vilayətin rəhbəri-hakim Marufjan Usmanov buna çox böyük ehtiyac olduğunu qeyd edib və bu cür addımların iki qardaş ölkənin əməkdaşlığının daha da genişlənməsinə yüksək səviyyədə xidmət edəcəyini deyib.

Görüşün sonunda Marufjan Usmanov millət vəkili Qənirə Paşayevaya Azərbaycan-Özbəkistan əlaqələrinin inkişafı istiqamətində gördüyü işlərə görə təşəkkürnamə təqdim edib. Millət vəkili Qənirə Paşayeva vilayətin rəhbəri-hakim Marufjan Usmanova Azərbaycan tarixi və mədəniyyətinə dair materiallar təqdim edib.

Q.Paşayeva Özbəkistan Yazıçılar Birliyinin Kokand filialının rəbərliyi, Kokand şəhərinin fəal qadınları, elm və ədəbiyyat xadimləri, gəncləri ilə də görüşüb, maraqlı fikir mübadiləsi aparılıb.

Millət vəkili, Avrasiya Beynəlxalq Araşdırmalar İnstitutu İB-nin sədri Q.Paşayevanın rəhbərlik etdiyi heyət Kokandın tarixi, mədəni abidələrini, bir sıra önəmli elm, təhsil, ədəbiyyat mərkəzlərini də ziyarət ediblər.

Tarix
2019.10.09 / 00:22
Müəllif
Axar.az
Şərhlər
Digər xəbərlər

Güney Azərbaycanda türkcə kitablar paylandı - Video

Məhkəmə Əli İbrahimidən 150 milyon istədi

Marneulidə İcma mərkəzi açıldı - Foto

Günorta yatmaq insult riskini artırır - Xəbərdarlıq

Cəlilabadda ağır qəza: 1 yaralı

General deputatlığa namizədliyini irəli sürdü

Metroda qorxulu anlar: Gənc relslərin üzərinə yıxıldı

Bələdiyyə sədrinin oğlanları həmkəndlilərini bıçaqladı

Azərbaycanda zəlzələ oldu

Sabahın hava proqnozu açıqlandı

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla