Ana səhifə Toplum |
Şəmkirin sabiq başçısı Aslan Aslanovun oğlunu qətlə yetirən Lamiyə Quliyevanın anasının açıqlaması bu dəfə yeni gündəm yaradıb.
Axar.az xəbər verir ki, Lamiyənin anası Ulduz Quliyeva "Azvision.az"a geniş müsahibəsində diqqət çəkən məqamlara toxunub. O bildirib ki, Lamiyənin Apellyasiya Məhkəməsində iştirak edəcək:
"Çox inanıram ki, qızım bu məhkəmədən sonra azadlığa buraxılacaq. İndi Lamiyənin yanından gəlirəm. Qızım da, nəvəm də yaxşıdır. Lamiyə uşağını da məhkəməyə gətirəcək. Bu gün Lamiyəni Kürdəxanıdakı təcridxanaya aparırlar. Lamiyəni məhkəməyə oradan gətirəcəklər. Mən bilirəm ki, bütün Azərbaycan Lamiyənin tərəfindədir".
Məhkumun anası uzun müddətdir dartışılan məsələyə bu cür münasibət bildirib:
"Nəvəmin atası var. Vüqar Əliyev onun uşağının atası deyil. Uşağın atası türmə işçisi də deyil. Onun atası Bakıdandır. Deyilənə görə, uşaq atasına oxşayır. Elə atası da, uşaq da qəşənqdir. Narahat olmasınlar, uşağın atası var. Yaxşı da oğlandır. Lamiyə türmədə heç kəslə ailə həyatı qurmayıb. Şəmkirli də deyil. Lamiyənin uşağın atasını sevdiyinə inanıram".
Ulduz Quliyeva qızına qarşı heç bir zorakılıq edilmədiyini, uşağın Lamiyənin arzusu ilə doğulduğunu, ana-balanın bir-birinə çox bağlı olduğunu da deyib.
Tarix
2015.02.08 / 00:34
|
Müəllif
Emin Aslanlı
|