Suriyada gedən döyüşlərdə iştirakda şübhəli bilinərək həbs edilən azərbaycanlı barəsində maraqlı məlumat var.

Axar.az İŞİD-ə qoşulmuş Mikayılov Rövşən Baba oğlunun 2009-cu ildə böyürtkən yığmaq istəyərkən çaqqalların hücumuna məruz qaldığını xəbər verir.

Zərdab rayon sakini olan R.Mikayılov o zaman qarın nahiyəsindən xəsarət alaraq Zərdab Mərkəzi Rayon Xəstəxanasına yerləşdirilib. Ona müvafiq yardım göstərildikdən sonra evə buraxılıb. Bu məlumat internet resurslarında yer alıb.

Çaqqalların hücumuna məruz qalan Mikayılov sonradan İŞİD-ə qoşulub. Milli Təhlükəsizlik Nazirliyinin əməkdaşlarının həyata keçirdikləri əməliyyat tədbirləri nəticəsində saxlanılıb. Onun barəsində Cinayət Məcəlləsinin 274-cü (dövlətə xəyanət) maddəsi ilə cinayət işi başlanılıb. Hazırda iş üzrə istintaq hərəkətləri davam etdirilir.

Hüquq müdafiəçisi Elçin Behbudov onunla görüşüb və Mikayılov əməlindən peşmanlığını ifadə edib.

Qeyd edək ki, bundan əvvəl Suriyada döyüşlərdə iştirak etməkdə şübhəli bilinən 26 nəfər Milli Təhlükəsizlik Nazirliyinin (MTN) əməkdaşları tərəfindən tutulub.