Axar.az
Yuxarı

Dələduzun polisi aldatması ilə bağlı şok olaya rəsmi – Reaksiya

Ana səhifə Toplum
12 Punto 14 Punto 16 Punto 18 Punto

"Bəhlul Xəlilovun dələduzluq yolu ilə pulunu mənimsədiyi bildirilən Azad Məmmədlinin ölmədiyi və sağ olduğu barədə zərərçəkənin ehtimallarının heç bir əsası yoxdur".

Bu sözlər Mütəşəkkil Cinayətkarlıqla Mübarizə Baş İdarəsinin İstintaq şöbəsindən Axar.az-a verilən rəsmi cavabda əksini tapıb. İstintaq şöbəsindən bildirilib ki, zərərçəkənin ehtimalına görə bütün araşdırma yenidən təkrarlanıb:

"Heç bir kəs rəsmi sənədləri bu qədər saxtalaşdırmaqla istintaqı yanılda bilməz. Buna baxmayaraq, zərərçəkən Bəhlul Xəlilovun iddiasına uyğun olaraq bir daha araşdırılma aparıldı və təkzibolunmaz faktlarla növbəti dəfə təsdiqləndi ki, Azad Əliqulu oğlu Məmmədli 2010-cu ilin avqustunda nəfəs çatışmazlığından dünyasını dəyişib. Öz ehtimalının səbəbini və haradan qaynaqlandığını təkrarlaması üçün B.Xəlilov da idarəyə dəvət edildi. Ancaq Bəhlul Xəlilov bu barədə yalnız təxmin etdiyini, Azad Məmmədlinin sağ olduğu haqda heç bir bilgiyə sahib olmadığını dedi".

Təqsirləndirilən şəxsin ölüm sənədinin də əksini tapdığı cavabda Mütəşəkkil Cinayətkarlıqla Mübarizə Baş İdarəsinin İstintaq şöbəsi zərərçəkənin bütün vəsatətlərinin təmin edildiyini, işin Baş Prokurorluğun nəzarəti ilə təkrar araşdırıldığını və "dələduzluq ittihamı ilə bir neçə dəfə məhkumluq həyatı yaşamış 1960-cı il təvəllüdlü Azad Əliqulu oğlu Məmmədlinin" ölməsi səbəbindən araşdırmanın dayandırıldığını açıqlayıb.

Xatırladaq ki, Bəhlul Xəlilov dostları olan Faiq və onun atası Böyükağa Şükürov vasitəsi ilə Azad Əliqulu oğlu Məmmədli adlı şəxsə 30 min manat pul verdiyini, ancaq aldadıldığını bildirmişdi. Onun iddiasına görə, Mütəşəkkil Cinayətkarlıqla Mübarizə Baş İdarəsində aparılan araşdırma ona görə nəticəsiz qalıb ki, dələduz unikal fırıldaqdan istifadə edərək, polisi aldatmağı bacarıb:

"Bu şəxslər Mütəşəkkil Cinayətkarlıqla Mübarizə Baş İdarəsinə Azad Məmmədlinin öldüyünü təsdiqləyən sənəd təqdim ediblər. Biz də inandıq. Bu yaxınlarda isə təsadüfən Azad Məmmədlinin sağ-salamat olduğunu, Yasamal rayonunda qeydiyyatdan çıxaraq, Sumqayıta qeydiyyata düşdüyünü və burada yaşadığını öyrəndim".

Tarix
2015.02.20 / 19:54
Müəllif
Axar.az
Şərhlər
Digər xəbərlər

Bu şəxslər ətrafa təhlükə saçır - Foto

Prorektorun oğlu şəhid oldu

TƏBİB-dən vətəndaşlara: Ətrafımızdakıları qoruyaq...

Füzulidə minaya düşənlərlə bağlı yeni xəbər - Foto

Bayrağımızı təhqir edən tələbə üzr istədi - Video

Hikmət Hacıyev və "Qarabağ" klubu Ağdamda - Foto

Tanınmış vəkil koronavirusdan öldü - Foto

Virus bu halda aramızdan gedəcək - TƏBİB

Bakının 550-i küçəsi dezinfeksiya edildi

DİN-in mətbu orqanı “Polis” qəzeti adı ilə nəşr ediləcək

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla