Braziliya senatının birinci vitse-prezidenti, senatda Azərbaycan-Braziliya dostluq qrupunun rəhbəri Antonio Anastasiya və Braziliya konqresində Azərbaycan-Braziliya dostluq qrupunun rəhbəri Klaudio Kajado növbədənkənar parlament seçkiləri ilə bağlı rəylərini bölüşüb.

Axar.az xəbər verir ki, A.Anastasiya seçki prosesinin demokratik keçirildiyini bildirib:

"Mən Azərbaycanın dəvəti əsasında gəlmişəm. Dəvətə görə və seçkilərdə müşahidələr apardığım üçün çox məmnunam. Hər şey çox normal və demokratik keçirildi".

K.Kajado isə Binəqədi və Qaradağ seçki məntəqələrində olduğunu və hər şeyin son dərəcə normal keçdiyini qeyd edib:

"Müşahidə apardığım məntəqələrdə heç bir problemin şahidi olmadıq. Bu gün rəqib namizədlərlə də ünsiyyətdə olmuşam və Azərbaycanda keçirilən seçki demokratiyasının bir daha şahidi oldum. Azərbaycan xalqını demokratik seçki münasibəti ilə təbrik edirəm".