Axar.az
Yuxarı

Axar.Az Logo

MTRŞ-nin səlahiyyətləri artırıldı

Ana səhifə Toplum
12 Punto 14 Punto 16 Punto 18 Punto

Azərbaycan Milli Televiziya və Radio Şurasının səlahiyyətləri artırılır.

Trend-in məlumatına görə, bu məsələ Milli Məclisin bu gün keçirilən plenar iclasında müzakirə edilən "Televiziya və radio yayımı haqqında" Azərbaycan Respublikasının Qanununa dəyişikliklərdə əksini tapıb.

Dəyişikliklər Azərbaycan Milli Televiziya və Radio Şurasının səlahiyyətlərinin artırılması nəzərdə tutulur.

Belə ki, Qanunun 16.11-ci maddəsində "məhkəmə qarşısında iddia qaldıra bilər" sözləri "teleradio yayımı sahəsində müvafiq dövlət orqanına müraciət edir" sözləri ilə əvəz edilir.

Mövcud qanunvericiliyə əsasən, məhkəməyə müraciət daha çox olurdu, lakin indi təklif olunan varianta əsasən, məhkəmə qarşısında iddia qaldırmaq məsələsi çıxarılır, teleradio yayımı sahəsində müvafiq dövlət orqanına müraciət olunur.

Yəni mövcud qanunvericiliyə görə, teleradio yayımçısı istifadə haqqını müəyyənləşdirilmiş müddətdə ödəyə bilmirdisə, onda müvafiq icra hakimiyyəti orqanı xüsusi razılığın qüvvəsini istifadə haqqı ödənilənə qədər dayandırılması barədə məhkəmə qarşısında iddia qaldıra bilirdi. İndi dəyişiklikdə təklif olunur ki, məhkəmə qarşısında iddia qaldırılmasın və xüsusi razılığın qüvvəsinin istifadə haqqı ödənilənə qədər onun dayandırılması teleradio yayımı sahəsindəki müvafiq dövlət orqanı qarşısında qaldırılsın.

23.1-ci maddəyə təklif olunan dəyişikliyə görə, teleradio yayımçıları xüsusi razılığın (lisenziyanın) qayda və şərtlərini və bu qanunun tələblərini pozduqda xüsusi razılığın (lisenziyanın) qüvvəsi və ya hər hansı proqramın yayımı teleradio yayımı sahəsində müvafiq dövlət orqanının qərarı ilə bir ayadək müddətə müvəqqəti dayandırılır. Hazırda qüvvədə olan maddəyə görə isə teleradio yayımçıları xüsusi razılığın (lisenziyanın) qayda və şərtlərini və bu qanunun tələblərini pozduqda razılığın (lisenziyanın) qüvvəsi məhkəmənin qərarı ilə bir gündən yeddi günədək müvəqqəti dayandırıla bilər.

Dəyişikliklərdə bir sıra digər məsələlərdə də teleradio yayımçılarının xüsusi razılığının ləğv edilməsi səlahiyyəti teleradio yayımı sahəsindəki müvafiq dövlət orqanına, yəni Milli Televiziya və Radio Şurasına verilir.

Dəyişikliklər səsə qoyularaq qəbul edilib.

Tarix
2015.02.24 / 14:40
Müəllif
Axar.az
Şərhlər
Digər xəbərlər

Döyüşdə bir ayağını itirən qazimiz belə qarşılandı - Foto

Zəngilanda 400-ə yaxın ağac əkildi - Foto

Nazir rektorlarla onlayn görüş keçirdi

Türk Şurası Azərbaycana başsağlığı verdi

Qardaşı Aprel döyüşündə, özü isə Şuşada şəhid oldu - Video

Hikmət Hacıyevdən şəhidlərlə bağlı paylaşım

Azərbaycan ilkin olaraq 17 milyard ayırdı

“Avronyus” Suqovuşandan reportaj hazırladı - Video

Göyçayda ağır qəza: 5 yaralı - Foto

Mübarizin şəhid olduğu postu alan igidlərimiz - Video

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla