Fevralın 28-də Xətai rayonu ərasinizdə şəbəkənin növbəti mağazası müştərilərin ixtiyarına veriləcək.

"Bazarstore" MMC-nin PR meneceri Günay Novruzqızının Axar.az-a verdiyi məlumata görə, Zığ şossesi 5 ünvanında, "Nargilə" kafesinin qarşısında açılacaq mağaza sərfəli endirim və hədiyyə kampaniyaları ilə müştərilərini qarşılayacaq. 4 gün davam edəcək açılış kampaniyası bayramlar ərəfəsində bol-bərəkətli alış-veriş üçün şərait yaradacaq.

Açılış kampaniyası fevralın 28-dən martın 3-dək davam edəcək. Əsas şüarı bol çeşid, sərfəli qiymət, yüksək keyfiyyət olan "Bazarstore" mağazalar şəbəkəsi gündəlik 30 000, aylıq 1000000-dan çox istehlakçıya xidmət göstərir. Burada yerli və xarici ölkələrdən gətirilmiş 30 mindən çox çeşiddə qida və qeyri-qida məhsulları istehlakçıların seçiminə təqdim edilib. 2015-ci ildə də "Bazarstore" daha da genişlənərək, Azərbaycanın bütün bölgələrində mağazalar açmağı planlaşdırır.

Qeyd edək ki, yeni mağaza şəbəkənin 14-cü filialı olacaq.