Avtomobil sıxlığı yaranan yollarda bu problemin aradan qaldırılması üçün svetoforun fazalarında dəyişiklik edilib.

Nəqliyyat Nazirliyinin Nəqliyyatı İntellektual İdarəetmə Mərkəzindən Axar.az-a verilən məlumata görə, NİİM paytaxtda avtomobil sıxlığının qarşısını almaq məqsədilə Mətbuat prospekti ilə Ayna Sultanova küçəsinin kəsişməsindəki svetoforun fazalarında (faza - svetofor işıqlarının yanma müddəti) dəyişiklik edib.

Bu dəyişiklik həmin yol kəsişməsində yaranan tıxacların qismən qarşısını almaq məqsədilə edilib. Belə ki, A.Şərifzadə küçəsindən Mətbuat prospektinə doğru, sağa hərəkət etmək istəyən nəqliyyat vasitələrinin hərəkətində gecikmələrin və nəticədə yaranan tıxacların qarşısını almaq məqsədi ilə svetoforların qeyd olunan küçələrə sağa dönmə istiqamətləri iki fazada quraşdırılıb. Bundan başqa, svetoforun tənzimlənməsi Mətbuat prospekti ilə sola dönən nəqliyyat vasitələrinin, düzünə hərəkət etmək istəyən nəqliyyat vasitələrinə yaratdığı maneələr də aradan qaldırılıb.