Ana səhifə Toplum |
9 fevral 2020-ci il seçkilərində deputat seçilən tanınmış iş adamı Məşhur Məmmədovun adı Koronavirusla Mübarizəyə Dəstək Fonduna ianə edənlər arasında yoxdur.
Axar.az xəbər verir ki, “Embavud” şirkətinin Fonda 50 min manat ianə etməsinin isə Məşhur Məmmədova aidiyyətinin olması sual altındadır. Çünki seçki öncəsi “Embavud” şirkətindən verilən rəsmi açıqlamada M.Məmmədovun şirkətin idarəetməsində yer almadığı bildirilmişdi. Hərgah M.Məmmədov “Embavud”un əsas səhmdarlarından biri olaraq qalır.
“Embavud” şirkətindən verilən rəsmi açıqlamaya inansaq, onda hakim Yeni Azərbaycan Partiyasının siyahısı ilə deputatlığa namizədliyi irəli sürülən M.Məmmədovun hələ də Prezidentin çağırışına qoşulmadığını iddia etmək olar.
Halbuki əksər millət vəkilləri bu çağırışa qoşularaq, Fonda ianələr ediblər.
Qeyd edək ki, Fondun vəsaitləri hazırda 105 milyon 262 min 3 manatdır. Fonda 4828 fiziki, 1957 hüquqi şəxs ianə edib.
Fond 19 mart 2020-ci ildə Prezident İlham Əliyevin sərəncamı ilə yaranıb. İlham Əliyev ilkin olaraq Fonda Prezidentin ehtiyat fondundan 20 milyon köçürüb və bir illik əmək haqqını bağışlayıb. Daha sonra Azərbaycanın Birinci vitse-prezidenti Mehriban xanım Əliyeva da bir illik maaşını Fonda ianə edib.
Fond hazırda əhalinin koronaya qarşı mübarizəsinin rəmzinə çevrilib.
Tarix
2020.04.01 / 15:19
|
Müəllif
Axar.az
|