13:08

Bəzi nazirliklərin aparatlarında islahatların aparılmasını vacib sayıram.

Axar.az xəbər verir ki, bunu Milli Məclisin Regional məsələlər komitəsininn sədri Siyavuş Novruzov Hesablama Palatasının hesabatı haqqında danışarkən deyib.

Onun fikrincə, bəzi nazirliklərin aparatları çox şişirdilib:

“Hesablama Palatası bu məsələyə diqqət yetirməlidir. Mənzil İstismar Sahəsindən tutmuş İcra Hakimiyyətinə qədər hamı aparat rəhbəri təyin edir. Bəs onda müavin funksiyası harda qalır?”

S.Novruzov bütün nazirliklərdə mətbuat xidmətlərinin təyin olunmasına da toxunub. O qeyd edib ki, mətbuat xidməti ancaq zəruri qurumlarda olmalıdır:

“Karantin dövründə də gördük ki, nazir qalıb kənarda, bunun mətbuat xidməti xalqa “əlləzinə” oxuyur. Əgər xalqın qarşısına çıxmağa üzü yoxdursa və ya qabiliyyəti çatmıra, getsin otursun evdə. Nazirin vəzifəsi ictimaiyyət qarşısına çıxmaq və ictimaiyyəti birbaşa məlumatlandırmaqdır”.