24 martdan bəri 21 milyon 652 min sərnişin danışıb.

Axar.az xəbər verir ki, bunu BNA-nın sədri Vüsal Kərimli Operativ Qərargahın brifinqində deyib.

O bildirib ki, 7 ekspress marşrut xətti üzrə avtobus təşkil olunub və bu xətlərlə 942 min sərnişinə xidmət göstərilib:

"Gün ərzində 1700-1750 avtobus xidmət göstərir. 105 ədəd yeni avtobus ekspress xətlər üzrə buraxılıb. Sıxlığın yaranmaması üçün 18 metrlik avtobuslar ayrılıb".

O qeyd edib ki, işə yeni qəbul olunan 200 sürücüdən 103-ü ekspress xətlərdə fəaliyyət göstərir:

"Avtobuslarda, dayanacaqlarda, qarajlarda gündəlik dezinfeksiya işləri aparılır. Sürücülər əlcək və maska ilə təmin olunub. TƏBİB-in metodikası ilə təlimatlar sürücülərə paylanılıb. Eyni zamanda taksilərdəki şəffaf sədlər "Bakı Bus"larda da qurulacaq".

V.Kərimli deyib ki, sərnişinlərin sosial məsafəni qoruması üçün səsli təlimatlar, posterlər mövcuddur:

"Təəssüf ki, son günlərdə sərnişinlərin bəziləri vəziyyətə çox məsuliyyətsiz yanaşırlar. Biz bu virusla yaşayırıq və bu hərəkətlər ikinci dalğa ehtimalını yüksəldir. Vətəndaşlardan xahiş edirik ki, zərurət olmadıqda evlərini tərk etməsinlər".