Axar.az
Yuxarı

Korona dəbdəbəli toy erasına son qoydu? - Sosioloq

Ana səhifə Toplum
12 Punto 14 Punto 16 Punto 18 Punto

Ailə quran cütlüyün sevincinə şərik olmaq, onlara dəstək olmaq üçün 100, 500, 1000 nəfərə ehtiyac yoxdur. Doğmalarla edilən kiçik bir məclis bunun üçün kifayətdir. Elimizin toy adəti olsa da, təəssüf ki, adətlər qalıb qıraqda, toylar kommersiya şəbəkəsinə çevrilib.

Bu sözləri Axar.az-a açıqlamasında sosioloq Əhməd Qəşəmoğlu pandemiya səbəbindən toyların təxirə salınması və artıq bəzi şəxslərin həyətdə, məhdud iştirakçı ilə toy keçirməsi haqda danışarkən deyib. O bildirib ki, pandemiyadan öncəki toylar tarixə qovuşmalıdır:

“Koronavirus pandemiyası həyatımızın bir çox sahəsinə təsir edib. Bu sahələrdən biri də restoran toylarıdır. Əslinə qalsa, pandemiyanın toylar məsələsində ziyandan çox faydası dəydi. Çünki ölkəmizdə əksər insan toylardan biznes sahəsi kimi istifadə edir. Pandemiyadan öncəki toylar sözün əsl mənasında biabırçılıq idi və sosial bir bəla halına gəlmişdi”.

Sosioloq deyib ki, Azərbaycan toyları heç də hər ailənin büdcəsinə uyğun deyil:

“Hazırda ölkəmizdə orta aylıq əmək haqqı insanların bir aylıq tələbatını ödəməyə çatır. Lakin bununla belə, bir ay ərzində 2, 3, 4 toya dəvət edilən insan kifayət qədər çoxdur. Belə olduqda isə insan məcbur olub ya ailə büdcəsindən kəsir, ya da kimdənsə borc alır. Bunu edən insan həm el qınağını düşünür, həm də sabah öz övladı üçün edəcəyi toyu. Çünki bu gün ölkəmizdə “toya get ki, toyuna gəlsinlər” düşüncəsi hakimdir. Digər bir problem isə toyların keçirildiyi restoranlar və obyekt sahibinin təklif etdiyi imkanlardır. Toy etmək istəyən bir insan şadlıq saraylarına müraciət edir. Şadlıq saraylarında isə azı 30 çeşid yemək olur. Siz qeyd edilən sayda yemək seçməlisiniz, əks təqdirdə restoran sahibi razılaşmır. Onu da qeyd edim ki, bəzi restoranlarda toydan sonra qalan yeməkləri aparmağa icazə də vermirlər”.

Sosioloqun fikrincə, koronavirus pandemiyası bütovlükdə toyları ləğv etməsə də, bu sahədə ciddi dəyişiklik yaradacaq:

“Hazırda bir çox gənc ailədaxili toylara üstünlük verir. Xarici ölkələrdə də toylar daha kiçik formada, ailə içində qeyd edilir. Yəni əgər məqsəd toydan yığılan pulu gənclərin gələcək günlərinə xərcləməkdirsə, bunu dəbdəbəli toylar olmadan da etmək olar”.

Tarix
2020.06.12 / 15:37
Müəllif
Turan Rzayev
Şərhlər
Digər xəbərlər

8 kq narkotiklə tutulan şəxsə hökm oxundu

Zərdabda toy sahibi məsuliyyətə cəlb olundu

Buster doza ilə peyvənd olunanların sayı 1 milyona çatır

Kürdəmirdə qəza: "Mersedes" su kanalına düşdü - Foto

Hərbçilərimiz Hadruta hansı yolla gedib? - Video

Britaniya səfiri Abşeron Milli Parkında ağac əkdi

Koronaya yoluxanların sayı yenidən azaldı

Nazir Rahib Azərinin oğluna vəzifə verdi

Qusarda faciə: 40 yaşlı kişi yanaraq öldü

Goranboyda qəbiristanlıqlardan oğurluq edənlər yaxalandı

KULT
<>
Xəbər xətti
  
  
  
  
yatsan
Axar.az'da reklam Bağla
Reklam
Bize yazin Bağla