Ev şəraitində koronavirusa yoluxan şəxsə nəzarət olunması və müalicəsi tərtib olunan aktla aparılır.

Axar.az xəbər verir ki, bunu Səhiyyə Nazirliyi Aparatının rəhbəri Nadir Zeynalov Operativ Qərargahın bugünkü brifinqində deyib.

"Bu xəstələr iltizamnamə imzalayırlar. Xəstəyə nəzarət sahə həkiminin nəzarəti ilə aparılacaq", - Zeynalov bildirib.

TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva əlavə edib ki, xəstələr ilk simptomları aşkarladıqda mütləq həkimə müraciət etməlidirlər:

"Artıq evdə müalicə olunan şəxslər SMS-icazə ilə çölə çıxa bilməzlər. Məsuliyyəti hiss etmək lazımdır, sahə həkimi bütün xəstələrə nəzarət edə bilməz"