"Bakılı" Beynəlxalq Mədəniyyət Cəmiyyəti və "Humay" Milli Mükafatı Akademiyası tərəfindən təsis olunan "Humay" milli mükafatının 25-ci təqdimat mərasimi keçirilib.

Axar.az xəbər verir ki, teatr nominasiyasında "Kafkadan salam" və "Fəna" tamaşalarında yaratdığı obrazlara görə Yuğ Dövlət Teatrının aktyoru Qasım Nağıyev, kino nominasiyasında "Nabat" tammetrajlı bədii filminə görə rejissor Elçin Musaoğlu qalib olublar.

Ədəbiyyat nominasiyasında "Paradoks" adlı əsərinə görə İlham Bədəlbəyli, musiqi nominasiyasında opera-simfonik ifaçılığı və pedaqoji fəaliyyətinə görə Azərbaycan Dövlət Akademik Opera və Balet Teatrının dirijoru Əyyub Quliyev və "Qaya" adlı ömür" kitabına görə Rauf Babayev və Nazim Məmmədov "Humay" mükafatına layiq görülüblər.

Qeyd edək ki, bu mükafat "Humay" Milli Mükafatı Akademiyasının üzvləri tərəfindən hər il cəmiyyətin müxtəlif sahələrində fərqlənən şəxslərə verilir.