28 Sentyabrdan başlayaraq TƏBİB-on idarə heyətinin üzvləri başda olmaqla, tibb işçiləri cəbhə bölgəsində olublar.

Axar.az xəbər verir ki, bunu TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva Təhsil Nazirliyinin bu gün keçirilən brifinqdə deyib:

"Bütün xəstəxanalara Bakıdan ezam olunan, həm də könüllü şəkildə xidmət edən tibb işçilərimiz var. Ən qaynar bölgələrdə TƏBİB-in işçi heyəti var və onlar xəstələrin təxliyyəsinə, müalicəsinə xidmət edirlər. Bu gün ölkəmizdə heç bir halda texniki dəstəkdən söhbət gedə bilməz. Bütün ehtiyyatlarımız var. Sadəcə insan resurslarında müəyyən məhdudiyyətlər var, bu gün hər bir tibb işçisi cəbhədə xidmət etmək istəyir. Bu gün necə ki, ordumuza dəstək oluruqsa, Koronavirusla mübarizə də qələbəyə dəstəkdir. Bu gün hər hansı tibb işçisinin yoluxması iş yerindən uzaqlaşdırılması deməkdir. Mütləq şəkildə karantin qaydalarına riayət etməliyik. Yalnız bu şəkildə qələbəmizə dəstək ola bilərik. Bu gün hər bir tibb işçisi könüllü sürətdə ordusunun arxasındadır.