10:43

Ağdaşda ölümlə nəticələnən ağır yol qəzası baş verib.

Fövqəladə Hallar Nazirliyindən Axar.az-a bildirilib ki, Böhran Vəziyyətlərində İdarəetmə Mərkəzinə Ağdaş rayonunun Nehrəxəlil kəndində “Mersedes” və VAZ markalı iki minik avtomobilinin toqquşması barədə məlumat daxil olub.

Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri müxtəlif xəsarətlər alaraq sıxılı vəziyyətdə qalan 1 nəfəri “Mersedes” markalı minik avtomobilindən, 2 nəfərin meyitini (şəxsiyyətləri dəqiqləşdirilir) isə deformasiyaya uğrayan digər nəqliyyat vasitəsindən çıxararaq aidiyyəti üzrə təhvil veriblər.

***

Hadisə nəticəsində Ağdaş rayon sakinləri 1961-ci il təvəllüdlü Rahilə Namət qızı Əhmədova, 2008-ci il Rahilə Teymur qızı Əhmədova, 1984-cü il təvəllüdlü Teymur Səməd oğlu Əhmədov aldıqları ağır xəsarətlər səbəbindən hadisə yerində dünyasını dəyişib, Dursun Qiyas qızı İsmayılova, Xəzan Fikrət qızı Əlizadə, Təbriz Teymur oğlu Əhmədov, İqbal Elton oğlu Sadiqli ağır xəsarət alıb.

Yaralılar Göyçay rayon Mərkəzi Xəstəxanasına aparılıb.