Yuxarı

Ölkənin yol polisləri Bakıya gətirildi - Video

Ana səhifə Toplum
12 Punto 14 Punto 16 Punto 18 Punto

Ölkənin rayon və şəhərlərində qeydiyyatda olan avtomobillərin Bakıya girişinə qoyulmuş qadağa ilə əlaqədar Azərbaycanın bütün bölgələrindən Dövlət Yol Polisi əməkdaşları Bakıya ezam edilib.

APA TV-nin məlumatına görə, əyalətlərdən ezam edilən yol polisi dəstələri Bakıda yol hərəkətinin nizamlanmasına yardım edir.

Qeyd edək ki, birinci Avropa Oyunlarının keçirildiyi müddətdə Bakıda nəqliyyatın sıxlığının azaldılması məqsədilə iyunun 1-dən 30-dək paytaxt ərazisinə yük avtomobillərinin daxil olmasına tam, digər nəqliyyat vasitələrinin hərəkətinə isə müəyyən məhdudiyyətlərin tətbiqi nəzərdə tutulub.

Bu səbəbdən qeyd olunan ərəfədə piyadaların və nəqliyyat vasitələrinin şəhər daxilində rahat və fasiləsiz hərəkətinin təşkili ilə əlaqədar paytaxta gəlmək istəyən rayon sakinlərinə xəbərdarlıq edilib ki, həmin müddətdə rayon qeydiyyatında olan fərdi minik avtomobillərinin Bakı şəhərinə buraxılmayacağını nəzərə alsınlar. Əhalidən, həmçinin həmin müddətdə sərnişinlərin istifadəsinə veriləcək müasir, komfortlu ictimai nəqliyyat vasitələrindən istifadə etmək xahiş olunur.

Rayon qeydiyyatı olan avtomobillər üçün paytaxtın iki girişində xüsusi dayanacaqlar yaradılıb. Dayanacaqlar paytaxtın qərb istiqamətində girişi üçün Qaradağda, şimal ərazisindən gələnlər üçün isə "Xırdalan dairəsi" ərazisində yerləşir. Həmin dayanacaqlarda rayondan gələn avtomobillər saxlanılacaq.

Bakıya yalnız ərzaq və kənd təsərrüfatı məhsulları gətirən avtomobillər buraxılır. Amma onlar üçün də saat məhdudiyyəti var. Həmin maşınlar gecə yarısından səhər saat 5.00-a qədər paytaxta daxil ola bilərlər.

Bakının mərkəzinə böyük yük maşınları da buraxılmır. Şəhərin müxtəlif ərazilərində xüsusi postlar yaradılıb və 24 saat ərzində yol polisi əməkdaşları növbə çəkir.

Məlumat üçün bildirək ki, Bakıya giriş qadağası Sumqayıt şəhəri və Abşeron rayonunda qeydiyyatda olan maşınlara da aiddir.

Tarix
2015.06.02 / 14:33
Müəllif
Axar.az
Şərhlər
Digər xəbərlər

Ermənistan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla