2020-ci ildə Ali Məhkəmənin Cinayət Kollegiyasına Sumqayıt Apellyasiya Məhkəməsindən daxil olan işlər üzrə 133 nəfər barəsində qərar çıxarılıb.

Axar.az xəbər verir ki, bu barədə Ali Məhkəmənin Cinayət Kollegiyasının 2020-ci il üzrə fəaliyyətinə dair hesabatda məlumat verilib.

Onlardan 93 (69,9%) nəfər barəsində qərarlar dəyişdirilmədən saxlanılıb, 19 (14,2%) nəfər barəsində qərarlar ləğv olunub, 17 (12,8%) nəfər barəsində işlər yeni apellyasiya baxışına qaytarılıb.

2 (1,5%) nəfər barəsində iş üzrə icraata xitam verilib, 5 (3,8%) nəfər barəsində qərarlar dəyişdirilib.

14 (10,5%) nəfər barəsində iş üzrə kassasiya müraciətləri geri qaytarılmış və baxışdan çıxarılıb.

2 (1,5%) nəfər barəsində iş üzrə prosessual müddətin bərpasına dair vəsatətlər təmin edilməyib.