Axar.az
Yuxarı

Yaxın Şərqdə böyük savaş başlayacaq - Sorğu

Ana səhifə Toplum
12 Punto 14 Punto 16 Punto 18 Punto

Azərbaycanlıların böyük hissəsi Yaxın Şərqdə böyük savaşın başlayacağına inanır.

Axar.az saytının keçirdiyi elektron sorğunu bu nəticə ilə tamamlanıb.

2032 nəfərin iştirak etdiyi sorğuda respondentlərə "Yaxın Şərqdə böyük savaş başlayacaqmı?" sualı ilə müraciət edilib. Sorğuda iştirak edənlərin 44%-i savaşın başlayacağına inandığını bildirib. Səsverənlərin 37%-i isə belə bir savaşa, ümumiyyətlə, inanmadıqlarını söyləyiblər. Yerdə qalanlarlar isə Azərbaycan üçün mühüm əhəmiyyət kəsb edən bölgədə belə bir savaşın onlar üçün maraqlı olmadıqlarını bəyan ediblər.

Qeyd edək ki, 2001-ci ildə ABŞ qoşunlarının Əfqanıstana girməsindən sonra Yaxın və Orta Şərq tarixində yeni bir dönəm başlayıb. Daha sonra İraqa daxil olan amerikalılar burada indiyə qədər stabillik yarada bilməyiblər. Əvvəlkindən daha bərbad vəziyyətə düşən İraq artıq üç yerə parçalanma üzrədir.

Həmişə stabilliyi ilə seçilən Suriya da daxili çəkişmələrin qurbanına çevrilib. Ölkənin şimalında faktiki olaraq, kürd muxtariyyəti yaradılıb. Üstəlik, həm İraq, həm də Suriyanın daxilində İŞİD-in formalaşdırılması Yaxın Şərqdə onsuz da gərgin olan situasiyanı bir az da şiddətləndirib. Son bir neçə ay ərzində ABŞ-ın İranla yaxınlaşmaq istəməsi, İsrailin buna kəskin mövqe ortaya qoyması, bundan başqa, Rusiyanın da bölgədəki maraqlarını (İran, Suriya) əldən vermək niyyətində olmaması bu coğrafiyada bombanın fitilini alışdırıb. Yəməndə vətəndaş müharibəsi, Səudiyyə Ərəbistanının bura qoşulması, üstəlik, İranın Fars körfəzində dominantlığını qoruyub saxlamaq istəməsi və bununla bərabər Yəməndəki qiyamçılara dəstək verməsi yeni müharibənin başlanğıcı üçün zəmin hazırlaya bilər. Yaxın Şərqin ən mühüm parçası olan Misirdə də vəziyyət yerində deyil. Misirdə Qərbin uzun müddət bəslədiyi islam fundamentalistləri olan Müsəlman Qardaşlarının lideri Mursinin digər qərbyönlü Prezident Sisi tərəfindən ölümə məhkum edilməsi burada da fiqurların yenidən dəyişdirilməsinə səbəb ola bilər. Türkiyəyə gəlincə isə, son seçkilər, kürdlərin aktivləşməsi və İŞİD-in artıq türk sərhədləri yaxınlığında olması Ankaranı heç də asan günlərin gözləmədiyini göstərir.

Tarix
2015.06.18 / 12:30
Müəllif
İlkin Həsənov
Şərhlər
Digər xəbərlər

Kirayə mənzillərin qiyməti bahalaşdı

Səfirimiz Georgi Pertaia ilə görüşdü

İş adamının səs-küylü qətlini araşdıran prokuror həbs olundu

Ölkədə bu il daşınan sərnişinlərin sayı açıqlandı

Sənədsiz evi olanların diqqətinə!

Nazirlik Sumqayıtdakı bu zavodda araşdırma aparır

Vidadi Muradovun cinayət işi ilə bağlı yeni xəbər

Bayraqdar açıqladı: Növbəti festival Azərbaycanda olacaq

Dövlət qulluğunda vəzifə tutmaq istəyənlərin nəzərinə

Narazı qazi ilə bağlı nazirlikdən açıqlama

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla