Jurnalist Ekspert Mərkəzi (JEM) "Diqqət! Düşmən mətbuatıdır" layihəsi çərçivəsində Axar.az-ın redaksiyasında olub.

Layihə çərçivəsində artıq 7 redaksiyada və iki hərbi hissədə görüş keçirən JEM-in yaradıcısı Ceyhun Musoğlu və Nicat Dağlar ölkə mətbuatında dövlət və hərbi sirri təşkil edən, milli təhlükəsizliyimizə xələl yetirən, eləcə də düşmən mətbuatına istinadən verilən təxribat xarakterli informasiyaların qarşısını almaq məqsədi daşıyan Prezident yanında QHT-lərə Dövlət Dəstəyi Şurası tərəfindən maliyyələşdirilmiş "Diqqət! Düşmən mətbuatıdır" layihəsinin əsas fəaliyyət istiqamətləri barədə redaksiyalara xüsusi bildiriş lövhələri təqdim edirlər.

JEM-in qonaq olduqları redaksiyalara hədiyyə etdikləri lövhələrdə saytlatda hansı informasiyaların hərbi sirr təşkil etdiyini göstərən qeydlər və bu kimi məlumatların yayılmasını qadağan edən qanundan çıxarışlar əksini tapıb.

JEM sədri C.Musaoğlu ölkə mətbuatında dövlət və hərbi sirr xarakterli informasiyaların yayılmasının ziyanlı tərəflərindən danışıb, müharibə şəraitində olan bir ölkənin Kütləvi İnformasiya Vasitələrinin cəbhə, hərbi əməliyyatlar və Ordu birləşmələrinin yerdəyişmə hərəkətlərinə dair informasiyalara da məhz müharibə qanunları ilə yanaşmasının vacibliyini vurğulayıblar.