Axar.az
Yuxarı

Narkotik satışı ilə məşğul olan şəbəkə ifşa olundu

Ana səhifə Toplum
12 Punto 14 Punto 16 Punto 18 Punto

Sumqayıt Şəhər Polis İdarəsinin əməkdaşları tərəfindən narkotik vasitə və psixotrop maddələrin satışı və qanunsuz dövriyyəsi ilə məşğul olan şəxslərə qarşı əməliyyatlar davam etdirilir.

İdarədən Axar.az-a bildirilib ki, daxil olmuş əməliyyat məlumatı əsasında Corat qəsəbəsi ərazisində içərisində qadınların da olduğu şəbəkə ifşa edilib.

Belə ki, qəsəbə ərazisində keçirilən əməliyyat zamanı Əlimərdan Əlimərdanlı, Aygül Rəşidzadə və Vüsalə Qasımova saxlanılıb. Bakı şəhəri Binəqədi rayon qeydiyyatında olan Vüsalə Qasımova Corat qəsəbəsinə rəfiqəsi Aygül Rəşidzadəgilə qonaq gəldiyini deyib. Onların üzərinə keçirilən baxış zamanı narkotik maddə olan heroin aşkar edilərək götürülüb.

Aparılan araşdırmalar zamanı saxlanılan şəxslərin qrup şəklində narkotik maddələrin satışı ilə məşğul olduğu məlum olub.

Corat qəsəbəsi ərazisində polis əməkdaşları tərəfindən keçirilən daha bir əməliyyat zamanı isə narkotiklərin qanunsuz dövriyyəsi ilə məşğul olan əvvəllər məhkum olunmuş İbrahim Abdullayev saxlanılıb. Onun ətrafında aparılan axtarış tədbirləri nəticəsində 295 qram heroin aşkar edilərək götürülüb.

Müəyyən edilib ki, İ.Abdullayev əvvəllər məhkum olunmuş Mais Aydəmirov və Xaçmaz rayonunda qeydiyyatda olan Murad Sadıqzadə ilə birlikdə narkotik vasitələrin satışı ilə məşğul olub. Həmin şəxslər də saxlanılaraq istintaqa cəlb ediliblər. Saxlanılan zaman Mais Aydəmirovun üzərindən 122 qram heroin aşkar edilərək maddi sübut kimi götürülüb. Murad Sadıqzadə də saxlanılan zaman üzərindən narkotik vasitə aşkarlanıb.

Keçirilən daha bir əməliyyat zamanı isə əvvəllər məhkum olunmuş Natiq Cəbrayılov, Cəbrayıl Quliyev və Ağsu rayon qeydiyyatında olan Ayxan Pənahlı saxlanılıb. Həmin şəxslərin üzərinə keçirilən baxış zamanı onlardan müxtəlif çəkidə heroin və “patı” adlandırılan metamfetamin aşkar edilərək götürülüb. Bu şəxslərin qrup şəklində narkotik vasitələrin satışı ilə məşğul olduğu da istintaqda məlum olub.

Faktlarla bağlı Sumqayıt şəhər Polis İdarəsində Cinayət Məcəlləsinin müvafiq maddələri ilə cinayət işi başlanılıb, adları çəkilən şəxslərin hər biri tutularaq istintaqa təqdim olunublar. Əldə edilən narkotik vasitələrin mənbələrinin aşkar edilməsi istiqamətində zəruri istintaq, eləcə də əməliyyat-axtarış tədbirləri davam etdirilir.

Qeyd edək ki, Sumqayıt Polis İdarəsi Corat qəsəbəsində narkotik vasitələrin satışı ilə məşğul olan şəxslərin tutularaq istintaqa cəlb edilməsi istiqamətində təxirəsalınmaz tədbirlər həyata keçirir.

Xatırladaq ki, bir neçə gün öncə isə qəsəbə ərazisində narkotik vasitələrin satışı ilə məşğul olan 4 nəfərdən ibarət olan daha bir dəstə ifşa edilərək istintaqa cəlb edilmişdi.

Tarix
2021.07.31 / 18:55
Müəllif
Axar.az
Şərhlər
Digər xəbərlər

Trofimçuk himnimizdən yazdı: İnanılmazdır...

Qənirə Paşayeva türkiyəli aydınlarla görüşdü

İlham Əliyev 1 sərəncam, 4 fərman imzaladı

Bazarda kartof ucuzdursa, alıcı niyə marketə qaçır?

Bakıda yeni metro stansiyasının tikintisinə başlanıldı - Foto

Prezident və xanımı lisey binasının açılışında

100 manata korona pasportu satanlar müəyyən edildi

DYP-dən sürücü valideynlərə müraciət

Onkologiya Mərkəzi: Ağayevi müalicə etməyə hazırıq

DGK yanında İctimai Şuraya seçkilər keçirilir

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla