Milli Mətbuat Günü münasibətilə Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) və Azərbaycan Mətbuat Şurasının, o cümlədən media nümayəndələri bu gün Fəxri Xiyabana gediblər.

Axar.az xəbər verir ki, media mənsubları Azərbaycan dövlətinin qurucusu Heydər Əliyevin və milli mətbuatın banisi Həsən bəy Zərdabinin məzarı önünə əklil qoyub, xatirələrini anıblar.

MŞ sədri Əflatun Amaşov və media təmsilçiləri milli mətbuatımızın keçdiyi çətin və şərəfli yoldan danışıblar, qeyd olunub ki, 1875-ci il iyulun 22-də maarifçi və publisist Həsən bəy Zərdabi tərəfindən nəşr olunmağa başlayan "Əkinçi" qəzeti iki ilə yaxın fəaliyyəti dövründə mütərəqqi fikirli ziyalıları ətrafında birləşdirib.