Gürcüstana səfər edən azərbaycanlıların sayı bu il 8 faiz artıb.

Axar.az AzərTAc-a istinadla xəbər verir ki, 2015-ci ilin yanvar-iyul aylarında Gürcüstana 2 milyon 992,1 min nəfər əcnəbi səfər edib. Bu, ötən ilin eyni dövrü ilə müqayisədə 6 faiz çoxdur.

Bu il Gürcüstana 741 min 163 Azərbaycan vətəndaşının getdiyi də rəsmi statistikada əksini tapıb. Bu rəqəm ötən ilin müvafiq dövrü ilə müqayisədə 8 faiz çoxdur. Gürcüstana səfər edən xarici ölkə vətəndaşlarının sayına görə bu göstərici ilə Azərbaycan ikinci yerdədir.

Birinci yerdə isə 757 min 331 nəfərlə Türkiyə dayanır. Türkiyədən bu ölkəyə gələnlərin sayı 2014-cü ilin eyni dövrü ilə müqayisədə 5 faiz azalıb.

Mütəxəssislərin və ekspertlərin fikrincə, turistlərin sayının artması Gürcüstan hökumətinin viza rejiminə etdiyi dəyişikliklərlə bağlıdır.