Bakıda dənizdə batmaq təhlükəsi ilə üzləşmiş 3 nəfər xilas edilib, İmişli rayonunda isə 1 nəfər süni göldə boğulub.

Axar.az Fövqəladə Hallar Nazirliyinin mətbuat xidmətinə istinadən xəbər verir ki, İmişli rayon Mürsəlli kəndində süni göldə (sularda xilasetmə məntəqəsindən, təxminən, 148 km aralı, nəzarət olunmayan ərazidə) batmış 1972-ci il təvəllüdlü Cəfərov Əsəd Allahverdi oğlunun axtarışları başa çatıb. Ə.Cəfərovun cəsədi nazirliyinin dalğıc-xilasediciləri tərəfindən batdığı yerdən, təxminən, 5 m aralıda tapılaraq sudan çıxarılmış və aidiyyəti üzrə təhvil verilib.

Əməliyyat saat 16:58-də başa çatıb.

***

Bakı şəhəri, Qaradağ rayonunda dənizdə ("Qaradağ-1" sularda xilasetmə məntəqəsinin ərazisində) batmaq təhlükəsi ilə üzləşmiş 1 nəfər sularda xilasetmə məntəqəsinin xilasediciləri tərəfindən sudan çıxarılaraq xilas olunub. Əməliyyat saat 15:42-də başa çatıb.

***

Bakı şəhəri, Sabunçu rayonunda dənizdə ("Bilgəh" sularda xilasetmə məntəqəsinin ərazisində) batmaq təhlükəsi ilə üzləşmiş 2 nəfər sularda xilasetmə məntəqəsinin xilasediciləri tərəfindən sudan çıxarılaraq xilas olunublar. Əməliyyat saat 16:45-də başa çatıb.