Əməyin mühafizəsində ciddi hüquq pozuntuları aşkar edilib.

Axar.az xəbər verir ki, bu sözləri Dövlət Əmək Müfəttişliyi Xidmətində "Təhlükəsiz iş aylığı"nın yekunlarına dair mətbuat konfransında xidmətin rəisi Fuad Əlizadə bildirib.

F.Əlizadə bildirib ki, aylıq çərçivəsində ümumilikdə 107 işəgötürəndə dövlət nəzarəti keçirilib. Tədbirlər zamanı 83 halda qanun pozuntusu aşkar edilib. 79 inzibati xəta haqqında protokol tərtib edilib. 79 nəfər sahibkara qarşı ümumilikdə 179.900 manat məbləğində inzibati cərimə tətbiq olunub.

Nəzarət tədbirləri zamanı vergi ödəyicisi kimi qeydiyyatdan keçməyən 17 sahibkar aşkar edilib.

Aparılan işlər nəticəsində ilin avqust ayında istehsalatla əlaqəli bədbəxt hadisələrin sayı ötən ilin müvafiq dövrü ilə müqayisədə 12,5 faiz azalıb. Qeyd olunan hadisələr nəticəsində xəsarət alanların sayında isə 7,1 faiz azalma müşahidə edilib.