Axar.az
Yuxarı

Daha 15 kəndə qaz verildi

Ana səhifə Toplum
12 Punto 14 Punto 16 Punto 18 Punto

Noyabrın 20-də Göyçay, Bərdə, Lerik, Şəki, Neftçala və Salyan rayonlarının daha 15 kəndinə təbii qaz verilib.

Axar.az SOCAR-ın mətbuat xidmətinə istinadən xəbər verir ki, bu münasibətlə keçirilmiş tədbirlərdə rayon İcra hakimiyyətlərinin və "Azəriqaz" İstehsalat Birliyinin təmsilçiləri, ictimaiyyət nümayəndələri, kənd ağsaqqalları iştirak ediblər.

Göyçay rayonunda keçirilmiş tədbirdə bildirilib ki, ümumilikdə 373 abonenti olan Alxasava və Qaraman kəndlərinin yenidən qazlaşdırılması məqsədilə birpilləli sistem əsasında 46 029 metr uzunluğunda müxtəlif diametrli polietilen və metal borularla daşıyıcı və məhəllədaxili qaz xətləri çəkilib, hər bir abonent ayrıca sayğac və fərdi tənzimləyici quraşdırılıb.

Həmin gün Bərdə rayonunun Qaradəmirçi-1 və Qaradəmirçi-2 kəndlərinin də qaz təchizatı bərpa edilib.

Bununla əlaqədar keçirilmiş mərasimdə qeyd olunub ki, ümumilikdə 683 abonenti olan kəndlərin qazlaşdırılması zamanı 25 kilometrdən artıq qaz xətləri çəkilib, abonentlərin mənzillərində sayğac və fərdi tənzimləyicilər quraşdırılıb.

Şəki rayonunun Sarıca və Baltalı kəndləri də uzun sürən fasilədən sonra yenidən qazlaşdırılıb.

Bu münasibətlə keçirilmiş tədbirdə bildirilib ki, 673 abonentlik kəndlərin qazlaşdırılması zamanı 31 427 metr uzunluğunda müxtəlif diametrli polietilen və metal borulardan istifadə edilib, abonentlərin hər biri sayğac və fərdi tənzimləyicilərlə təchiz olunub.

Salyanın Xələc kəndinin də qaz təchizatı bərpa edilib. Vurğulanıb ki, 625 abonenti olan kəndin qazlaşdırılması üçün birpilləli sistem əsasında 48 753 metr uzunluğunda qaz xətləri çəkilib, 625 ədəd sayğac və fərdi tənzimləyici quraşdırılıb.

Noyabrın 20-si Lerik və Neftçala camaatı üçün daha əlamətdar olub. Belə ki, bu iki rayonun ümumilikdə 8 kəndində ilk dəfə mavi alov şölələnib.

Lerik rayonunda bu münasibətlə keçirilmiş tədbirlərdə bildirilib ki, ümumilikdə 238 abonenti olan Hıramo, Yuxarı Bilnə, Livədirqə, Nüsomurya və Qədimküçə kəndlərinin ilk dəfə qazlaşdırılması məqsədi ilə birpilləli sistem əsasında 20 558 metr uzunluğunda müxtəlif diametrli metal borularla daşıyıcı və məhəllədaxili qaz xətləri çəkilib, hər bir abonent üçün ayrıca sayğac və fərdi tənzimləyici quraşdırılıb.

Neftçala rayonunda keçirilmiş tədbirdə isə vurğulanıb ki, rayonun ümumilikdə 615 abonenti olan Boyad, Ballıcalı və İkinci Qaralı kəndlərinin ilk dəfə qazlaşdırılması zamanı 39 110 metrlik müxtəlif diametrli qaz xətləri çəkilib, abonentlərin mənzillərində sayğac və fərdi tənzimləyicilər quraşdırılıb.

Çıxış edənlər kəndlərə təbii qazın verilməsinə görə Azərbaycan Prezidenti İlham Əliyevə minnətdarlıqlarını bildiriblər.

Tarix
2015.11.20 / 20:11
Müəllif
Axar.az
Şərhlər
Digər xəbərlər

Laçın-Xankəndi yolu: Aksiya gecə də davam edir

Şəhid övladları üçün “Qış düşərgəsi” təşkil olunacaq

TƏBİB-dən valideynlərə xəbərdarlıq - Video

Naxçıvanda bu məhsullar satışdan çıxarıldı

FHN metroda təlim keçirəcək

Meşə fondu torpaqlarında 100 mindən çox ağac əkildi

DGK-da əməliyyat: 2 əməkdaş həbs olundu

Füzulidə yenidənqurma işlərinə baxış keçirildi - Foto

Hərbçilərimiz beynəlxalq təlimdə iştirak edir

Sülhməramlıların daha 5 maşını aksiya ərazisindən keçdi

KULT
Xəbər xətti
Axar.az'da reklam Bağla
Reklam
Bize yazin Bağla