Ana səhifə Toplum |
Bu gün "İKT İnnovasiyalarının Regional İnkişaf Mühitinin Yaradılması" mövzusunda Üçüncü Regional İnternet İdarəçilik Forumu (RİİF) öz işinə başlayıb.
Axar.az xəbər verir ki, keçirilən forumun təşkilatçıları Rabitə və Yüksək Texnologiyalar Nazirliyi, BMT-nin İnkişaf Proqramı və ADA Universitetidir.
Forumun keçirilməsində əsas məqsəd regional iqtisadi inkişafa və mədəni irəliləyişə nail olmaq, yerli iştirakçıların beynəlxalq mütəxəssislərlə təcrübə mübadiləsi və bu sahədə olan problemlərin müzakirəsi, maraqlı layihələri nümayiş etdirməkdir.
Tədbirdə "Təhsilin texnologiyalar vasitəsilə transformasiyası", "Məxfilik və İnnovasiya üçün Kiber Təhlükəsizlik - Regional Kiber Təhlükəsizlik Alyansları Təşəbbüsləri" mövzuları müzakirə olunacaq.
İki gün davam edəcək tədbirdə 250-300 nəfər Azərbaycan və digər ölkələrin hökumət, biznes nümayəndələri, diplomatik nümayəndələri toplanacaq.
Qeyd edək ki, Regional İnternet İdarəçilik Forumu 2012-ci ildə Bakıda təşkil edilmiş 7-ci İnternet İdarəçilik Forumu ərəfəsində yaranıb və hər il keçirilir.
Tarix
2015.12.03 / 14:37
|
Müəllif
Nigar İxtiyarqızı
|