Ana səhifə Toplum |
Bərdədə arvadını qətlə yetirən ər tutulub.
APA-nın
məlumatına görə, hadisə rayonun Tumaslı kəndində qeydə alınıb. 35
yaşlı Rəhimov Zülfüqar Rəhim oğlu həyat yoldaşı, 30 yaşlı Rəhimova
Gülnar Füzuli qızını səhər saatlarında yuxuda olan zaman
bıçaqlayıb.
Zülfüqar Rəhimovun ailə üzvləri evin gəlini Gülnar Rəhimovanı
xəstəxanaya çatdırmaq istəsələr də, onun həyatını xilas etmək
mümkün olmayıb. Kənd sakinlərinin verdiyi xəbərə görə Zülfüqar və
Gülnarın qohumluq əlaqələri olub. Onlar əmi nəvəsidir. Zülfüqarın
psixoloji problemləri olsa da, ailə Gülnara və onun 3 uşağına
sahiblənməyə çalışıb. Hadisə baş verən gecə onlar ayrı-ayrı
otaqlarda yatıblar. Zülfüqar həyat yoldaşına 2 bıçaq zərbəsi
endirdikdən sonra qaçmağa cəhd edib. Onu polisə öz ailəsi təhvil
verib.
Bərdə rayon prokurorunun böyük köməkçisi Bilal Məmmədovun sözlərinə görə, hadisə səhər saatlarında baş verib:
"Saat 05.30 radələrində Rəhimova Gülnar Füzuli qızının boyun və
döş qəfəsindən bıçaqlanması ilə əlaqədar Bərdə rayon
Prokurorluğunda Cinayət Məcəlləsinin 120-ci maddəsi ilə cinayət işi
başlanılıb. Mərhum Gülnar Rəhimovanın əri, 1980-ci ildə anadan
olmuş Rəhimov Zülfüqar Rəhim oğlu şübhəli şəxs qismində
saxlanılıb".
Faktla bağlı Bərdə rayon Prokurorluğunda araşdırmalar davam etdirilir.
Tarix
2016.01.09 / 13:57
|
Müəllif
Axar.az
|