18:33

Fevralın 10-da saat 10-dan 18-dək SOCAR-ın "Qaz İxrac" idarəsinin Abşeron magistral qaz kəmərləri sahəsinin "Səngəçal" qazpaylama stansiyasında və bəzi ölçü qovşaqlarında cari təmir işləri aparılacaq.

Axar.az SOCAR-ın saytına istinadən xəbər verir ki, təmir işlərinin Qaradağ rayonunun Səngəçal qəsəbəsinin təbii qaz təchizatına təsir göstərməsi mümkündür.

20:20

Fevralın 10-da Bakı şəhərinin Nizami, Sabunçu, Xəzər, Suraxanı rayonlarının, eləcə də Abşeron və Qazax rayonlarının təbii qaz təchizatında məhdudiyyətlər olacaq.

Bakı regional qaz istismarı departamentinin tabeçiliyində olan inzibati rayonların ərazilərində istismarı dayandırılmış qaz xətlərinin şəbəkədən ayrılması, qaz xətlərində aşkar olunmuş sızmaların ləğvi, Yeni Günəşli qəsəbəsi A/B massivində yerləşən 262 saylı körpələr evi-uşaq bağçasına çəkilmiş qaz xəttinin qaz təchizatı mənbəyinə birləşdirilməsi və Qazax rayonunda diametri 159 mm-lik qaz xəttinin yerinin dəyişdirilməsi ilə əlaqədar fevralın 10-da saat 09:30-dan işlər yekunlaşanadək Nizami rayonunun 8-ci kilometr, Sabunçu rayonunun Maştağa, Xəzər rayonunun Buzovna, Suraxanı rayonunun Bülbülə qəsəbələri və Yeni Günəşli massivinin, həmçinin Abşeron rayonu Mehdiabad qəsəbəsinin qaz təchizatında məhdudiyyətlər olacaq.

Bundan başqa, saat 10:00-dan 18:00-dək Qazax şəhərinin bir hissəsində təbii qazın verilişində fasilələr yaranacaq.