Hadisənin qısqanclıq zəminində baş verməsi inandırıcı deyil.

Bu sözləri Axar.az-a Qalağayın kənd ərazi icra nümayəndəsi İsrafil Aslanov dünən Sabirabad rayonunda baş verən tükürpərdici cinayət hadisəsindən danışarkən deyib.

Onun sözlərinə görə, kənd sakinləri hadisənin şokundan hələ də çıxa bilmirlər:

"Kənd sakini, 1990-cı il təvəllüdlü Famil Əlirza oğlu İbişov çox sakit uşaq idi. Heç kimə qaynayıb qarışmazdı. Bir müddət olardı ki, işsiz idi. Rəhmətlik bacısı 1988-ci il təvəllüdlü Hüsniyyə isə bir dəfə ailəli olub. Ailə həyatı uğursuzluqla nəticələnən gənc qız heç bir övlad sahibi olmadan yenidən ata evinə köçmüşdü".

Kənd sakinləri xanımın az hallarda çölə çıxdığını və heç kimlə münasibətinin olmadığını bildirirlər.

Xatırladaq ki, dünən Sabirabad rayonunda qətl hadisəsi baş verib.

APA-nın xəbərinə görə, hadisə bu gün rayonun Qalağayın kəndində qeydə alınıb. Kənd sakini, 1990-cı il təvəllüdlü İbişov Famil Əlirza oğlu bacısı, 1988-ci il təvəllüdlü İbişova Hüsniyyə Əlirza qızının boğazını kəsərək qətlə yetirib. Famil İbişov saxlanılıb. İlkin ehtimala görə, hadisə qısqanclıq zəminində baş verib. Meyit müayinə olunmaq üçün Sabirabad rayon morquna aparılıb.

Faktla bağlı hüquq-mühafizə orqanları tərəfindən araşdırma aparılır.