Gəncə şəhərində akkumulyator oğruları tutulub.

Daxili İşlər Nazirliyindən Axar.az-a verilən məlumata görə, Nizami (Gəncə) RPİ əməkdaşlarının həyata keçirdikləri əməliyyat-axtarış tədbirləri nəticəsində martın 6-da Vüqar Nəbiyevə məxsus "KamAZ" markalı avtomobildən akkumulyator oğurlamış Gəncə şəhər sakinləri Nizami Zeynalov və Həsən Oktyabrski tutulublar.

Cəlilabad rayonunda da akkumulyator oğrulaşrı ələ keçib.

Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində yanvarın 20-də Elçin Məmmədova məxsus "KamAZ" markalı avtomobildən akkumulyator oğurlamış şəhər sakini Zaur Soltanov tutulub.

Goranboy polisi də akkumulyator oğrusunu yaxalayıb.

Polis əməkdaşlarının həyata keçirdikləri əməliyyat-axtarış tədbirləri nəticəsində martın 5-də Xəyal Məmmədova və Məcid Tağıyevə məxsus avtomobillərdən akkumulyator oğurlamış Gəncə şəhər sakini Elmar Rzayev tutulub.