Astara rayon sakini Heydər Məmmədovdan külli miqdarda narkotik vasitələr götürülüb.

Daxili İşlər Nazirliyinin (DİN) mətbuat xidmətindən Axar.az-a verilən məlumata görə, Nizami RPİ 25-ci PB əməkdaşlarının həyata keçirdikləri əməliyyat-axtarış tədbirləri nəticəsində Heydər Məmmədovdan 2 kiloqram 614,17 qram tiryək, 23,19 qram marixuana götürülüb.

Onun paytaxtda kirayədə yaşadığı evə baxış zamanı isə 15 kiloqram 183 qram marixuana və 2,613 qram tiryək aşkar edilib.

Digər narkotik əməliyyatı isə Pirallahıda keçirilib.

RPŞ əməkdaşlarının həyata keçirdikləri əməliyyat-axtarış tədbirləri nəticəsində Ucar rayon sakini Rəşid Şirinovdan 705 qram heroin və 2 kiloqram 70 qram marixuana götürülüb.

Hər iki faktla bağlı cinayət işi açılıb.