Martın 6-da Sumqayıtda meyiti tapılan qadının öldürüldüyü məlum olub.

Daxili İşlər Nazirliyinin (DİN) mətbuat xidmətindən Axar.az-a verilən məlumata görə, Sumqayıt ŞPİ 2-ci PB əməkdaşları tərəfindən Gülnaz Dadaşovanın münaqişə zəminində həmyerlisi Elman Əhmədov tərəfindən döyülərək qətlə yetirilməsi müəyyən edilib və həyata keçirilmiş əməliyyat-axtarış tədbirləri nəticəsində E.Əhmədov tutulub.

Xatırladaq ki, G.Dadaşovanın meyiti H.Z.Tağıyev qəsəbəsində beton yolun kənarında aşkar olunub. İlkin versiyaya görə, qadının naməlum avtomobil tərəfindən vurulduğu təxmin edilirdi.

Faktla bağlı Sumqayıt şəhər Prokurorluğunda araşdırma aparılır.