Yuxarı

Hansı qohumlar evlənə bilməz? Bu qanun işləyəcəkmi?

Ana səhifə Toplum
12 Punto 14 Punto 16 Punto 18 Punto

Xalaqızı, əmioğlu kimi qohum evliliklərinin qanunla qadağan edilməsi gözlənilir. Düşüncə dəyişməsə, qanunvericilikdə bunu qadağan etməklə effektiv nəticənin əldə olunması mümkün deyil.

Axar.az xəbər verir ki, bu sözləri hüquqşünas Şamil Paşayev Milli Məclisin bu gün keçirilən iclasında müzakirəyə çıxarılan Ailə Məcəlləsinə dəyişikliklərə münasibət bildirərkən deyib.

O bildirib ki, təklif edilən dəyişikliyə əsasən, nənə-babası eyni olanların - əmi, bibi, dayı, xala uşaqlarının nikahı qeydə alınmayacaq:

“Nikahı qadağan etmək şəxslər arasında vətəndaş nikahını qadağan etmir. Şəxslər birlikdə yaşaya bilər. Sadəcə, dövlət qeydiyyatına alınmayacaqlar. Onların uşaq dünyaya gətirməsi, valideynlik hüququnun verilməsi qanunla qadağan edilmir. Bu, sadəcə, nikahsız ailələrin sayının artmasına səbəb olacaq”.

Onun sözlərinə görə, bu təklif qohum evlilikləri istəyən insanları əlavə variantlar tapmağa istiqamətləndirəcək:

“Qohum evliliyinin tibbi fəsadları haqqında bilgiləndirmə işləri aparılmasa, bu işi qadağa ilə aradan qaldırmaq mümkün olmayacaq. Azərbaycanda insanların yalnız öz qohumları və ya öz həmkəndliləri (yenə də uzaq qohumları) ilə evləndiyi ailələr, məkanlar var. Qadağanın tətbiqi onları dayandıra bilməyəcək. Şəxslər gələcəkdə qohumları ilə evlənə bilmək üçün müxtəlif yollar axtaracaqlar. Bura uşaqların övladlığa verilməsindən tutmuş sənəd üzərində qohumluqdan imtina etməyə kimi, müxtəlif variantlar daxildir. Belə olduqda onların rəsmi qohumluğu qalmayacaq və nikaha daxil ola biləcəklər. Onlar bu nikahdan dünyaya gələcək uşaqların xəstə doğulması təhlükəsini dərk etməlidir”.

Tarix
2024.06.11 / 16:18
Müəllif
Aytac Araz
Şərhlər
Digər xəbərlər

Türkiyədən yeni siyasi xətt: Bu təşkilatı gücləndirəcək

İlham Əliyev Azərbaycan xalqını təbrik etdi

Zakir Həsənov Çin ordusunun generalı ilə görüşdü - Video

Qərbdən Nikola dəstək: Batya Bakıya nələr “verib“?

Nikolun imzası yox, erməni xalqının iradəsi vacibdir

Türkiyə ilə birgə Azərbaycan da bu quruma qoşulur?

Ermənistan İrana görə Naxçıvana atəş açır?

ABŞ niyə indi Zəngəzurun açılmasını tələb edir?

Şahramanyan ifşa etdi: Qarabağdakı “ordu” kimə tabe idi?

Azərbaycan nazirləri hansı universitetləri bitirib?

KULT
<>
Xəbər xətti
Axar.az'da reklam Bağla
Reklam
Bize yazin Bağla