Sumqayıtda 27 yaşlı gənc evlərinin qarşısında qətlə yetirilib.

Axar.az xəbər verir ki, Sumqayıt Şəhər Polis İdarəsindən APA-ya hadisənin şəhərin 13-cü mikrorayon ev 6 ünvanında qeydə alındığı bildirilib. Həmin evin 8-ci mənzilində yaşayan 1989-cu il təvəllüdlü Namiq Məmmədovun bıçaqla qətlə yetirilmiş meyiti evin qarşısında aşkar edilib. Hadisəsinin kim və hansı məqsədlə törədildiyi hələlik məlum deyil.

Daha bir ölüm faktı isə Bakıda qeydə alınıb. Xətai rayonunun S.Orucov küçəsində yerləşən avtomobillərin təmiri sexində rəngsaz işləyən Göyçay rayon sakini, 1985-ci il təvəllüdlü Teymur Əhmədov dəm qazından zəhərlənərək ölüb.

Hər iki fakt üzrə rayon prokurorluqlarında araşdırma aparılır.