Azərbaycanlı qanuni oğru, kriminal aləmdə Dadaş Bakinski kimi tanınan Dadaş İbrahimovun Ukraynada, Kiyev aeroportunda polisi və özünü bıçaqlamasının şok səbəbi üzə çıxıb.

Unikal.org-a daxil olan məlumatda bildirilir ki, bu ilin yanvar ayında Rusiya hüquq-mühafizə orqanları tərəfindən Azərbaycana deportasiya olunan Dadaş İbrahimov (Dadaş Bakinski) Rövşən Lənkəranskinin dəvəti ilə Türkiyəyə gedib.

Dadaş Bakinski orada surpirizlə qarşılaşıb. Belə ki, Lənkəranskinin təşkilatçılığı ilə, qanuni oğrular Türkiyədə "sxodka"ya toplaşıb. Özünün də iştirak etdiyi yığıncaqda qərara alınıb ki, Dadaş Bakinskinin nüfuzlu mafiozlar arasında yeri yoxdur. Nəticədə Dadaş Bakinskini bu tituldan məhrum ediblər.

Bundan sonra Kiyevə gedən Dadaş Bakinski əsəblərinin pozulması və narkotik maddələrdən istifadə etdiyinə görə Kiyevdəki "Borispol" hava limanında insident yaradıb. Nəticədə özünü və polisi bıçaqlayıb.