"Muğanbank"ın heç bir əməkdaşı və ya məsul şəxsi cinayət məsuliyyətinə cəlb olunmayıb.

Bu barədə Axar.az-a "Muğanbank"dan açıqlama veriblər. Bank məsul şəxsinə qarşı cinayət işinin açılması barədə yayılan xəbərlərə aydınlıq gətirib:

"Muğanbank"ın müştərisi bankdan kredit götürüb və kredit üzrə öhdəliklərini yerinə yetirmədiyindən tələb məhkəmə qaydasında kreditin təminatı olan ipoteka predmetinə (mənzilə) yönəldilib. Məhkəmə zamanı isə müəyyən olunub ki, mənzilin mülkiyyətçisi adından banka təqdim edilmiş etibarnamə saxtalaşdırılıb. Bu faktla bağlı "Muğanbank" məhkəmədən xüsusi qərar çıxarılmasını və prokurorluğa məlumat verilməsini xahiş edib. Müraciətimiz nəticəsində fakt üzrə, yəni müştərinin banka saxta sənəd təqdim etməsi ilə bağlı cinayət işinin başlanması haqqında qərar çıxarılıb. Hazırda isə iş istintaq mərhələsindədir".

Qeyd edək ki, mediada "Muğanbank" ASC-nin məsul şəxsinə qarşı cinayət işinin açılması barədə məlumat yayılıb.