14:36

İki regional təhsil idarəsinin müdiri yeni vəzifəyə təyin edilib.

Axar.az xəbər verir ki, elm və təhsil naziri Emin Əmrullayevin müvafiq əmri ilə Elçin Vaqif oğlu Kərimov Gəncə-Daşkəsən Regional Təhsil İdarəsinə müdir təyin edilib.

Bundan başqa, Mərkəzi Aran Regional Təhsil İdarəsinin müdiri vəzifəsinin icrası idarənin müdir müavini Cavad Alı oğlu Cavadova həvalə edilib.

Həmçinin Gəncə-Daşkəsən Regional Təhsil İdarəsinin müdiri Anar Qədiməliyev isə Bakı şəhəri üzrə Təhsil İdarəsinə müdir müavini təyin edilib.

Qeyd edək ki, E.Kərimov 2022-ci ildən Mərkəzi Aran Regional Təhsil İdarəsinin müdiri, A.Qədiməliyev 2022-ci ildən Gəncə-Daşkəsən Regional Təhsil İdarəsinin müdiri vəzifəsində çalışıb.

***

Qarabağ və Qazax-Tovuz regional təhsil idarələrinə yeni təyinatlar olub.

Elm və təhsil naziri Emin Əmrullayevin müvafiq əmri ilə Sənan Famil oğlu Mənsimli Qarabağ Regional Təhsil İdarəsinə müdir təyin olunub. Sənan Mənsimli 2022-ci ildən Şirvan-Salyan Regional Təhsil İdarəsinin müdiri vəzifəsində çalışıb.

Şirvan-Salyan Regional Təhsil İdarəsinin müdiri vəzifəsinin icrası İdarənin Tədrisin keyfiyyəti sektorunun müdiri Vüqar İsrəfil oğlu Dadaşova həvalə edilib.

Bundan başqa, Qarabağ Regional Təhsil İdarəsinin müdiri vəzifəsini icra edən Anar Rafik oğlu Məcidov Qazax-Tovuz Regional Təhsil İdarəsinin müdir müavini təyin edilib. İdarənin müdiri vəzifəsinin icrası da ona həvalə olunub.