Bakıda 17 sakinə məxsus evdən oğurluq edən qrup üzvləri tutulub.

Daxili İşlər Nazirliyinin (DİN) mətbuat xidmətindən Axar.az-a verilən məlumata görə, Xəzər Rayon Polis İdarəsinin (RPİ) əməkdaşlarının həyata keçirdikləri əməliyyat-axtarış tədbirləri nəticəsində martın 7-dən aprelin 18-dək olan müddətdə 17 paytaxt sakininə məxsus evdən pul, qızıl, gümüş, geyim və məişət əşyaları oğurlayan, habelə 2 mənzildən oğurluğa cəhd göstərən Bakı şəhər sakinləri, əvvəllər məhkum olunmuş Zöhrab Rəhimov, Samir Sultanov, Elməddin Abbasov, Ərxan Novruzov və Murad Musayev tutulublar.

Faktla bağlı araşdırma aparılır.