01:30

Bakıda güllələnmə hadisəsi baş verib.

Musavat.com-un məlumatına görə, hadisə Badamdar qəsəbəsində, "Bulaq" kafesində qeydə alınıb.

İlkin məlumata görə, kafenin müştəriləri arasında dava düşüb. Dava zamanı odlu silahdan atəş açılıb, bir nəfər yaralanıb.

Hazırda hadisə yerində polis əməkdaşları araşdırma aparırlar.

Hadisə nəticəsində yaralanan şəxs naməlum istiqamətdə aparılıb. O, heç bir xəstəxanaya yerləşdirilməyib. Hazırda polis əməkdaşları da yaralını axtarır.

***

Bakıda restoranda baş verən atışmanın bəzi detalları müəyyənləşib.

Səbail Rayon Polis İdarəsindən APA-ya verilən məlumata görə, restoranda baş verən silahlı insident iştirakçılarının içərisində idmançılar olub.

Atışma zamanı iki nəfər – Fuad və Süleyman adlı şəxslər güllə yarası alıb. Hər iki şəxs xəstəxanaya yerləşdirilib.

Məlumata görə, hadisə iştirakçılarından biri artıq saxlanılıb. Hazırda hadisənin digər iştirakçılarının müəyyən edilərək tutulması istiqamətində əməliyyat-axtarış tədbirləri davam etdirilir.

Faktla bağlı Bakı şəhər Prokurorluğundan cinayət işi başlanıb, istintaq aparılır.