Azərbaycan Dövlət Su Ehtiyatları Agentliyində Su çərşənbəsi (25 fevral), Beynəlxalq Poeziya (21 mart) və Ümumdünya Su Resursları Gününə (22 mart) həsr olunmuş “Su aydınlıqdır” mövzusunda tədbir keçirilib.

Axar.az xəbər verir ki, Ceyranbatan Ultrasüzgəcli Sutəmizləyici Qurğular Kompleksində keçirilən bədii-praktik xarakterli tədbirdə Azərbaycan Dövlət Su Ehtiyatları Agentliyinin məsul şəxsləri iştirak edib.

Tədbirə Azərbaycan Yazıçılar Birliyinin katibi İlqar Fəhmi, xalq şairi Vahid Əziz, Azərbaycan Mətbuat Şurasının idarə heyətinin üzvü, professor Qulu Məhərrəmli, Dədə Ələsgər İctimai birliyinin sədri Xətai Ələsgər, AMEA-nın Folklor İnstitutunun aparıcı elmi işçisi İlhamə Qəsəbova qonaq qismində qatılıblar.

Tədbir iştirakçıları xam suyun filtirdən keçirilib, emal olunub, içməli su halına gətirilməsi, həmçinin labaratoriyada suyun keyfiyyətinin yoxlanılması prosesi ilə tanış olublar.