Tanınmış iş adamı, fəaliyyətini dayandıran "Bakı" klubunun prezidenti Hafiz Məmmədov uzun müddətdən sonra görüntülənib.

Axar.az Publika.az-a istinadla xəbər verir ki, qapalı həyata üstünlük verən Məmmədovun yeni görüntülərini iş adamı Əli Süleymanov izləyiciləri ilə bölüşüb.

"Bu gün dahi insan, iş adamı, "Lans" və "Bakı" komandalarının keçmiş prezidenti, sadiq dost Hafiz Məmmədovla (Hafka) birlikdə idik", - o, paylaşımında bildirib.

Qeyd edək ki, Hafiz Məmmədov 2015-ci ildən sonra iş həyatında uğursuzluq yaşamağa başlayıb. Həmin vaxtdan sahib olduğu şirkətləri itirib. Böyük pay sahibinə çevrildiyi "Lans" klubu da əlindən çıxıb. Eyni zamanda "Bakı" klubu da fəaliyyətini dayandırıb. Hətta borclar səbəbindən məhkəmə qərarı ilə klubun Biləcəri qəsəbəsindəki böyük bazası əlindən alınıb.