Bakının Suraxanı rayonunda övladına amanasız işgəncə verən ana həbs edilib.

Axar.az Teleqraf-a istinadla xəbər verir ki, 2002 ci il təvəllüdlü Fatma Ramazanovanın öz qızı, 2021-ci il təvəllüdlü Mələyə mütəmadi işgəncə verməsi müəyyən edilib.

Bu hadisədən xəbər tutan polis əməkdaşları dərhal qadını həbs ediblər.

Faktla bağlı cinayət işi başlanıb.

Xatırladaq ki, sosial şəbəkələrdə bir neçə gün əvvəl azyaşlıya fiziki və psixoloji şiddət göstərilməsi ilə bağlı məlumat yayılıb. Ana Fatimə Ramazanova çəkdiyi və uşağın bir ayağı üstə küncə qoyulduğu görüntüdə azyaşlını döydüyünü, bədənində salamat yerin olmadığını etiraf edib.

Suraxanı Rayon İcra Hakimiyyətinin başçısı yanında Uşaq hüquqlarının müdafiəsi üzrə Komissiyasənən yaydığı məlumatda isə bildirilib ki, anasının işgəncə verdiyi azyaşlı onun əlindən alınıb, sığınacağa yerləşdirilib.

Eyni zamanda qeyd olunub ki, azyaşlının ancaq bir valideyni - anası haqqında məlumat var, atası ilə bağlı hansısa informasiya yoxdur.