İranın keçmiş iki naziri 3 milyard dollardan çox dövlət vəsaitinin sui-istifadəsi ilə bağlı korrupsiya işində təqsirli bilinərək həbs cəzasına məhkum ediliblər.

Axar.az “Mehr” agentliyinə istinadən xəbər verir ki, bu barədə Tehran İslam İnqilab Məhkəməsinin Birinci Şöbəsi qərar qəbul edib.

Qərara görə, keçmiş kənd təsərrüfatı naziri Kazım Sadatinejad və keçmiş ticarət naziri Rza Fatimi Amin 2023-cü ildə çay qaçaqmalçılığı qalmaqalında iştiraklarından dolayı müvafiq olaraq iki il və bir il həbs cəzası alıblar.

İki keçmiş nazirə ilkin olaraq 5 il həbs cəzası verilib, lakin mövcud qanun və qaydalara uyğun olaraq müddətlər azaldılıb.

Qeyd edək ki, bununla İranda 1979-cu ildə baş verən İslam İnqilabından sonra ilk dəfə yüksək rütbəli vəzifəlilər korrupsiyaya görə həbs ediliblər.